Fræðslunet Suðurlands

Fyrirhugað er að halda neðangreind námskeið árið 2012 ef næg þátttaka fæst. Námið nýtur framlaga Fræðslusjóðs og er þess vegna á afar hagstæðu verði fyrir þátttakendur. Námið er viðurkennt af Mennta- og menningarmálaráðuneytinu og má meta það til eininga á framhaldsskólastigi. Starfsmenntasjóðir greiða stóran hluta af kostnaði þátttakenda. Námslýsingar má sjá á vef FA http://frae.is. Námið er hugsað fyrir fullorðna (20 ára og eldri) sem hafa litla grunnmenntun og er námið viðurkennt vinnumarkaðsúrræði.

Sjá nánar á vef Fræðslunetsins: http://fraedslunet.is > Námsleiðir FA.

Allar nánari upplýsingar um innihald námsins, tímasetningar og fl. eru veittar í síma 480 8155.

Hjá Endurmenntun er fjölbreytt framboð námskeiða sem eru send út í gegnum fjarfundarbúnað. Með því gefst íbúum á landsbyggðinni tækifæri til að sækja námskeiðin í sinni heimabyggð. Námskeiðin eru eingöngu ætluð þátttakendum í fjarfundi sem er nýbreytni hjá Endurmenntun. 
Endurmenntun er með samstarfssamning við Kvasi, samtök fræðslu- og símenntunarmiðstöðva um námskeið í fjarfundi.  Námskeiðin eru send út í rauntíma sem gerir þátttakendum kleift að taka þátt í  umræðum.
Skráning og upplýsingagjöf fer fram hjá Fræðsluneti Suðurlands. Skráningarfrestur er að jafnaði tíu dögum fyrir upphaf námskeiðs.

Alls luku 12 nemendur námi í Grunnmenntaskóla á Hvolsvelli í dag 13. desember. Námið hefur staðið yfir frá því 12. september og er það 300 stunda langt. Alls hófu 14 nemendur nám í haust en 12 luku því eins og áður segir. Þetta er í fyrsta sinn sem Grunnmenntaskóli er haldinn í Rangárvallasýslu og var ekki annað að heyra á þátttakendum en að þeir væru ánægðir með að hafa fengið tækifæri til að rifja upp og læra ýmislegt nýtt. Helstu kennslugreinar eru íslenska, stærðfræði, enska, upplýsingatækni og sjáflstyrking.

Fyrirhugað er að eftir áramótin hefjist kennsla í almennum bóklegum greinum, þ.e. íslensku, stærðfræði, ensku og dönsku á námsleiðinni Nám og þjálfun í almennum bóklegum greinum. Reikna má með að kennsla fari fram frá kl. 17 á daginn fjóra daga vikunnar. Þeir sem hafa áhuga á því námi er bent á að tala við Steinunni í síma 4835189 eða senda tölvupóst á   Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það.

Smelltu hér til að skoða fleiri myndir frá útskriftinni.

Útskrifað var úr raunfærnimati í húsasmíði þann 6. desember sl. Matið hefur staðið haust og voru þátttakendur víða að frá Suðurlandi. Ellefu þátttakendur útskrifuðust að þessu sinni en þetta er í annað sinn sem raunfærnimat fer fram hjá Fræðslunetinu. Alls voru metnar 378 einingar og fengu þátttakendur frá 13 einingum uppí 52 einingar. Það voru þau, Sólveig Kristinsdóttir og Svanur Ingvarsson sem sáu um matið fyrir hönd FSu og FnS en einnig voru aðilar frá Iðunni sem sáu um matið. Á myndinni má sjá þátttakendur og aðstandendur matsins frá FSu, FnS og Iðunni ásamt fulltrúa Fit á Suðurlandi.