Nýtt á vefnum
Gæðavottun er staðfesting á því að námskeið Fræðslunetsins standast evrópskar kröfur um gæði fræðsluaðila.
„Fatlaðir geta svo mikið en fá bara ekki tækifæri til þess“
- Details
- Þriðjudagur, 21. maí, 2013
Fræðslunetið hefur látið gera könnun á viðhorfi til starfsmenntunarnámskeiða fyrir fatlað fólk á Suðurlandi. Það var Félagasvísindastofnun Háskóla Íslands sem framkvæmdi rannsóknina/könnunina en markmið hennar er að greina þörf fyrir starfsmenntunarnámskeið fyrir fatlað fólk á Suðurlandi. Könnunin var unnin með eigindlegum rannsóknaraðferðum, viðtölum við einstaklinga og rýnihópaviðtölum og fékk skýrslan með niðurstöðunum heitið: „Fatlaðir geta svo mikið en fá bara ekki tækifæri til þess“.
Nánar: „Fatlaðir geta svo mikið en fá bara ekki tækifæri til þess“
Útskrifað úr Meðferð matvæla á Hvolsvelli
- Details
- Miðvikudagur, 08. maí, 2013
Útskrifað var úr námsbrautinni Meðferð matvæla þriðjudaginn 7. maí sl. Námskeiðið var haldið fyrir Sláturfélag Suðurlands á Hvolsvelli en það var Rannsóknarþjónustan Sýni sem annaðist kennsluna. Námsbrautin er 60 stunda löng og hófst kennslan þann 13. mars. Kennt var tvisvar í viku að jafnaði og sótti hópurinn námið eftir vinnu. Alls sóttu 19 námsmenn námið og útskrifuðust allir. Námsmenn voru allir pólskir og sá Katarzyna Krupinska um túlkun á námsbrautinni en hún er starfsmaður í SS og útskrifaðist einnig úr náminu. Það ríkti mikil gleði og ánægja í hópnum við útskriftina en Þórhildur Þórhallsdóttir mannauðstjóri SS var viðstödd og færði öllum námsmönnunum rauðar rósir í tilefni dagsins. Fræðslunetið færði einnig öllum námsmönnunum rósir og Kasía sem sá um að túlka fékk blómvönd í þakklætisskyni. Skoða myndir frá útskriftinni.
