Fræðslunetið

Nú eftir helgi hefjast tvö úrræði fyrir unga atvinnuleitendur hjá Fræðslunetinu. Þessi úrræði eru liður í átakinu ,,Ungt fólk til athafna". Á mánudaginn hefst námskeiðið Færni í ferðaþjónustu I og einnig er áætlað að Skref til sjálfshjálpar í lestri og ritun hefjist í næstu viku. Færni í ferðaþjónustu I er 60 stunda langt nám og er hugsað fyrir þá sem hafa áhuga fyrir, eða hafa verið starfandi við ferðaþjónustu. Meta má þetta nám til allt að 5 eininga á framhaldsskólastigi. Skref til sjálfshjálpar er einnig 60 stunda langt og er ætlað þeim sem glíma við erfiðleika í lestri og ritun. Það má á sama hátt meta til eininga. Fleiri aðilar, s.s. FSu og Rauði krossinn munu einnig taka þátt í þessu átaki hér á Suðurlandi.

Skoða námskrár:

Færni í ferðaþjónustu I

Skref til sjálfshjálpar í lestri og ritun

Námskeiðið Færni í ferðaþjónustu 1 fer væntanlega af stað eftir páska ef næg þátttaka fæst. Námið er ætlað þeim sem starfa í ferðaþjónustu eða hafa í hyggju að gera það. Kennt verður á morgnana frá 8:30-12:30. Væntanlegar dagsetningar eru: 21. 27. og 28. apríl og 12. og 19 maí. Þeir sem hafa áhuga fyrir að taka þátt í námskeiðinu geta aflað sér upplýsinga hér. Einnig er hægt að hringja í okkur í síma 4808155. Námið má meta til allt að fimm eininga á framhaldsskólastigi og einnig er það viðurkennt sem vinnumarkaðsúrræði fyrir atvinnuleitendur. Skoða námskrá. Þetta er í fyrsta skipti sem þetta nám er kennt á Suðurlandi ef af verður en það hefur verið kennt bæði á Vestur- og Norðurlandi og einnig á Vestfjörðum.

Hveragerðisbær í samstarfi við Rauða krossinn, Hveragerðisdeild, mun opna Miðstöð fólks í atvinnuleit í Rauða kross húsinu að Austurmörk 7. Miðstöðin verður opinmánudögum og fimmtudögum frá kl. 9-12. Markmið með opnuninni er að fólk sem misst hefur vinnuna haldi virkni sinni áfram og verði þar með hæfara til frekari þátttöku í atvinnulífi þegar ný tækifæri skapast á vinnumarkaði. Fólki gefst kostur á að koma saman og vinna að hugðarefnum sínum, hvort heldur það er í félagsstarfi, listum eða leik. Það eru fyrst og fremst þeir sem nýta sér þessa aðstöðu sem munu móta starfið sem fram fer. Föstudaginn 6. mars kl. 16.00 verður opið hús í miðstöðinni og er fólk hvatt til að mæta. (Úr Dagskránni, 5. mars 2009)

Fræðslunetið hefur sett undirsíðu á vefinn sem er ætlaður fólki í atvinnuleit og líka þeim sem hafa áhuga á efni tengdu kreppunni. Er það von okkar að upplýsingar sem þarna birtast megi nýtast einhverjum. Reynt verður að finna og miðla efni sem snertir málefnið hér á Suðurlandi sérstaklega en einnig á landsvísu. Allar ábendingar verða vel þegnar og er hægt að senda ábendingar á Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það.  Þeir sem vilja skoða efnið geta kíkt á valseðilinn til vinstri á síðunni þar er linkur sem heitir: Ertu í atvinnuleit?