­
Sædís Ösp kvödd á útskriftardeginum á Höfn.

Sædís Ösp Valdemarsdóttir verkefnastjóri á Höfn í Hornafirði hefur nú látið af störfum hjá Fræðslunetinu, en hún hefur starfað hjá okkur í nokkur ár. Við starfi hennar tekur Róslín Valdemarsdóttir, sem hefur starfað sem verkefnastjóri hjá Fræðslunetinu um tíma í hlutastarfi. Eyjólfur framkvæmdastjóri Fræðslunetsins þakkaði Sædísi vel unnin störf þegar hún var kvödd á skólaslitunum í byrjun mánaðar. Sædís hverfur nú til starfa í fyrirtæki þeirra hjóna. 

Útskriftarhópur vorið 2022

Útskrifir úr námi hjá Fræðslunetinu fóru fram á Hótel Selfossi og í Nýheimum á Höfn í byrjun júní. Alls útskrifuðust 92 námsmenn, 45 úr raunfærnimati og 47 úr námi af margvíslegu tagi, s.s. Menntastoðum, Leikskólaliða- og stuðningsfulltrúabraut, Félagsliðagátt, Almennri starfshæfni, Skrefinu o.fl. 

 

Marco Stephen Hurling
Marco Mancini  Stephen J. Hurling

Á hátíðarfundi Vísinda- og rannsóknarsjóðs Suðurlands þann 13. janúar síðastliðin voru veittir tveir styrkir fyrir árið 2020. Styrkina hlutu að þessu sinni Marco Mancini og Stephen J. Hurling. Fengu þeir hvor um sig 800.000 kr. styrk til doktorsverkefna sinna.

Í umsögn Sveins Aðalsteinssonar formanns stjórnar sjóðsins segir m.a. um doktorsverkefni styrkþega:
„Marco Mancini rannsakar hitakæra maura í verkefni sínu en hann fann nýlega nýja tegund Hypoponera eduardi á jarðhitasvæðum sunnanlands. Venjulegur húsamaur, Hypoponera ergatandria, finnst í híbýlum manna í Reykjavík og víðar á þéttbýlisstöðum og við Gunnuhver á Reykjanesi. Hin nýja tegund finnst hins vegar nær eingöngu á jarðhitasvæðum sunnanlands þ.e. í Reykholti í Biskupstungum, Hveragerði, Reykjadal í Ölfusi og við Geysi. Rannsóknaspurning Marco snýst um hvort hér sé um að ræða gest sem er líklegur til að nema land víðar og valda hugsanlegu tjóni á viðkvæmu lífríki eða hvort hér sé á ferð seigur landnemi sem hefur þraukað í margar aldir í skjóli jarðhita og beri því að vernda. Erfðaefni H. eduardi verður rannsakað, gerðar verðar atferlisathuganir á maurnum og útbreiðsla hans könnuð frekar. Útbreiðsla þessara maurategunda er líka fróðleg í ljósi hlýnunar loftslags eins og allar loftslagsspár kveða á um.“
„Stephen Hurling rannsakar tvær skyldar sjófuglategundir, þ.e. sjósvölu (Hydrobates leucorhous) og stormsvölu (Hydrobates pelagicus). Báðar tegundirnar lifa við Vestmannaeyjar og tilheyra hópi sjófugla sem eiga margir hverjir undir högg að sækja vegna loftslagshlýnunar, reyndar eru þær báðar á válista Náttúrfræðistofnunar vegna fárra varpstaða. Stephen hyggst nota nýja gerð af örsmáum staðsetningarbúnaði til að rekja ferðir þessara tegunda, bæði á varptíma og á farstöðvum sunnar í Atlantshafi. Rannsakað verður fæðuval, farhegðun og afkoma fuglanna. Niðurstöðurnar má nýta til að grípa til aðgerða til verndar þessum tegundum og hugsanlega fleirum sem búa við svipuð lífsskilyrði og eiga undir högg að sækja á tímum loftslagsbreytinga.

­
©2018 Fræðslunetið - símenntun á Suðurlandi | Tryggvagötu 13 800 Selfoss | sími: 560 2030 | fraedslunet@fraedslunet.is | kt. 641199-2579 | vefstjórn: steinunnosk@fraedslunet.is

Við notum vafrakökur á vefsíðu okkar, m.a. til að bæta notendaupplifun. Þú ákveður hvort þú vilt leyfa smákökur eða ekki. We use cookies on our website. Some of them are essential for the operation of the site, while others help us to improve this site and the user experience (tracking cookies). You can decide for yourself whether you want to allow cookies or not. Please note that if you reject them, you may not be able to use all the functionalities of the site.