Félagsliðabrú

Félagsliðabrúarnám er í boði við Fræðslunetið – símenntun á Suðurlandi. Námið er í heildina 151/161 eining á 2. og 3. þrepi. Hjá Fræðslunetinu er hægt að taka 81 einingu á 2. þrepi á fjórum önnum. Þátttakendur geta valið um sérhæfingu á sviði fötlunar- eða öldrunarlínu. Sérhæfingin er 5 einingar á hvoru sviði en nemendur geta tekið bæði sviðin ef þeir kjósa. Mögulegt er að taka þátt í raunfærnimati á félagsliðabraut og fá einhverja áfanga metna áður en námið hefst.

Fyrir hverja?

• Þá sem hafa náð 22 ára aldri.
• Þá sem hafa að minnsta kosti 3 ára starfsreynslu á sviði umönnunar barna, unglinga, fatlaðra, sjúkra og aldraðra.
• Þá sem hafa lokið 230 kennslustunda starfstengdum námskeiðum á vegum símenntunarmiðstöðva, stéttarfélaga, sveitarfélaga eða annarra aðila, s.s. ýmsum fagnámskeiðum, starfsnámi stuðningsfulltrúa, grunn- og framhaldsnámskeiði.

Verð:

Þátttakendur greiða kr. 244.000 fyrir námið í símenntunarmiðstöð og er innheimt í tvennu lagi. Starfsmenntasjóðir stéttarfélaga styrkja félagsmenn sína fyrir hluta námskeiðsgjalda í samræmi við reglur hvers félags.

Ath að verð er birt með fyrirvara um breytingu á verðskrá Fræðslusjóðs. Verðið sem hér birtist er samkvæmt VERÐLISTA FRÆÐSLUSJÓÐS 2021 Gildir frá 24.04.2021

Kennslufyrirkomulag:

Nám á félagsliðabrú er fjórar annir hjá Fræðslunetinu en síðan bætast við 70/75 einingar við framhaldsskóla. Í flestum áföngum er notast við speglaða kennslu. Nemendur hlusta á fyrirlestra heima en mæta í vinnustofur hjá Fræðslunetinu einu sinni í viku, síðdegis, alls fimm vikur. Verkefnavinna í vinnustofum fer fram í fjarkennslu í gegnum samskiptaforritið Teams. Námið hentar því vel með vinnu og þátttakendur geta stundað það óháð búsetu.

Námsgreinar:

• Aðstoð og umönnun ASU2A05
• Fatlanir FTL2A05 
• Félagsleg virkni FÉV2A05
• Fjölskyldan og félagsleg þjónusta FJF2A05
• Gagnrýnin hugsun og siðfræði GHS2A05
• Íslenska – fagíslenska ÍSL2F05
• Lyf og líkamleg umönnun LYF2A05
• Næringarfræði NÆR2A05
• Samskipti og samstarf SAS1A05
• Sálfræði – hegðun og atferlsimótun HOA2A05
• Skyndihjálp SKY2A01
• Stærðfræði STÆ2C05
• Upplýsingatækni UTN2A05
• Öldrun ÖLD2A05

Valgreinar:

• Fatlanir og samfélag FTL2B05eða
• Öldrun og samfélagið ÖLD2B05

Upplýsingar hjá Eydísi Kötlu: